Alibangbang

By: Prince Garby Cabual

Bukot.

Sulod.

Putos.

Bukot.

Gi-ayo’g bulukot maong ang sulod naputos.

Sauna.

Gahapon.

Sadiha.

Sauna.

Kaniadto pa gihulat

Ang mga kagahapong saad nga sadiha pang gipanamkon sa hulagway sa sulat.

Karon.

Ugma.

Unya.

Karon.

Mahimutang nga sa umalabot sa ugma gitakna

Ang gihinam-hinam nga pagbag-ong sugdan unya.

Gawas.

Hubad.

Lupad.

Gawas.

Ang paghubad sa maanyag nga kinaiyahang

Gidasig nga madagayaon ang paglupad sa gipadakong wanang.

Saksi ang kinatibuk-ang palibot

nga karon nagpabiling gihandom

sa hingpit nga pagbukot

Bukot. Sauna. Karon. Gawas.

sa ulawong bahandi nga di’ na ‘run pabangbang

Sulod. Gahapon. Ugma. Hubad.

sa maong pagbag-o nga di’ mapugngan

Putos. Sadiha. Unya. Lupad.